Ordenagailuak sen onez hornitzen ari da MIT

Iturria: http://www.opinno.com


Telefonoaren beste aldean, zerbitzua ematen duen pertsona  eta zu hizkuntza bera erabiltzen ari izango ez bazinate bezala sentitu al zara inoiz edo sentitu al zara zure herriko sukurtsaleko bankuko enplegatua hizkuntza arrotz batean hitz egiten ari izango balitz bezala, nahiz eta denok ingelesez jardun? 


Interakzio horiek gero eta okerrago doazelarik, bezeroak konpainiarekiko dituen sentimenduek txarrera egiten dute. Azken finean, bezeroek sentitzen badute nahi izango luketen zerbitzua ez zaiela ematen ari konpainia, beste hornitzaile batengana joko dute.


Komunikazio-arazo horiek eta beste batzuk aztertu zituzten astelehen arratsaldean Henry Lieberman MITeko irakasleak eta Dustin Smith doktorego-ikasleak, Madrilgo BBVA Innovation Center-en, "Ikaskuntza automatikoa hizkuntza bidez" izenburua zuen hitzaldi batean. 


Henry Lieberman irakaslea


Dustin Smith doktoregaia
Lieberman irakasleak egungo merkatua deskribatuz ekin zion hitzaldiari eta, adibide gisa, bankuak jarri zituen. Azaldu zuen banku ugari daudela eta nola "transakzioak edonon egin daitezkeen" [commodity-ak bihurtzen ari dira]. Hala ere, bezeroek laguntza behar dute orain ere eta, beraz, zerbitzua funtsezkoa gertatzen da, negozioek arrakasta izan dezaten.


“Jar dezagun finantza-zerbitzuetako bezeroarentzako arreta", esan zuen. Liebermanek uste du teknologiak hobetu ditzakeela bezero/hornitzaile interakzioak eta are soluziona dezakeela arazoa, gizaki arteko interakzioa beharrezkoa izan baino lehen. Ez arduratu, horrek ez du esan nahi robot bidezko telefono-dei gehiago izan behar direla, baizik eta gaur egun dagoen teknologia, iPhone 4S-rekin eta Siri aplikazioarekin ikusi berri duguna, hobetzea eta zabaltzea.


Zerbitzuak izan beharko luke edozein negozioren giltzarria, eta konpainia batek hura hobetu nahi badu, kontuan izan behar du zein diren bezeroaren helburuak eta zein diren tresnak, edota, kasu honetan, software-agenteak, bezeroaren une horretako egoera bere helburuetara egokitzeko.

Milaka bide daude helburu batera iristeko, eta ordenagailu batek ez luke arazorik horiek guztiak zerrendatzeko. Zailtasuna sortzen da ordenagailuek ez dituztelako giza arazoak ezagutzen eta ezagutuko balituzte ere, aukera guztiak zerrendatzeak ez du errazten arazoa. Arazo bat sortzen denean, gizaki batek badu ezagutza-base orokor bat nora jo, eta gero biderik logikoenak arakatzen ditu, bere ezagutza arruntean oinarrituz. Bestela esateko, sen onaz baliatzen da.


Horregatik, Liebermanek hauxe dio: “pertsona ordenagailuan jartzen dugu”. Horixe ari gara egiten MITen. Open Mind Common Sense datu-base bat da, mundu osoko pertsonak betetzen ari direna, sen oneko esaldi sinplez. Datu-basea egun batean ordenagailuei gizakien antzeraxeago jarduten laguntzeko erabiliko da.


Jakintza arrunteko datu-basea lor daitekeela dio Liebermanek, zeren eta " 3 mila milioi segundo dituzu bizitzeko eta ezinezkoa litzateke 3 mila milioi gauza jakitea, segundoko bat. Gaur egun 3 mila milioi esadi ordenagailu batean gordetzea ez da zaila.”


Mota horretako softwarea erabiltzeko egokia izan litekeen zenbait adibide jarri ondoren, besteak beste bankuetako lana, zerga-zerbitzuak, egutegi-aplikazioak eta mugikorretako mapak, Dustin Smith-ek hitzaldiaren bere parteari ekin zion.

Dustin Smith hizkuntzalaritzaren eta hizkuntzaren prozesamenduaren oinarrietan zentratu zen batez ere. Beste pertsona bati zerbait azaltzen edo komunikatzen saiatzen garenean, erreferentzia-puntuak erabiltzen ditugu, biok partekatzen ditugunak, elkarrekiko konfiantzaren edo jakintza erkidearen forman. Horri sen onez arrazoitzea esaten zaio. Gizakiok sen onez arrazoitzea erabiltzen dugu, besterik behar ez denean, baina arazoak sortzen dira zenbait salbuespen gertatzen denean.

Bi parteek ez badute elkar ulertzea edo konfiantza partekatzen, komunikazio okerra edo komunikazioaren porrota gerta daiteke. Pentsa dezagun ingelesezko bank hitza Bank of America edo riverbank [ibaiertza] izan daitekeela. Hitz horiek testuingurua behar dute ulertzeko. Egiturazko anbiguotasuna ere gerta daiteke komunikazioan, hitzek perpausan duten hurrenkera funtsezkoa denean,  esanahia ulertzeko. Azkenik, zehaztasun falta gerta daiteke, antzekoak diren gauzak deskribatzen direnean.


Gizakion arteko komunikazioan, komunikazio okerrak eta gaizki ulertzeak sarri gertatzen dira, baina giza erreakzio bat sistema informatiko bati ezartzea zaila da. Ikerketa bi arloetan egiten da: sen oneko jakintzaren datu-basea sortzean eta ordenagailuari komunikazio okerra gertatzen denean erreakzionatzen irakastean. 


Smithek egiten duen ikerketa Google Calendar hobetuko duen aplikazio bat sortzeari lotua da. Aplikazioak Google Calendar-en sartzen den hzikuntza interpretatuko du eta automatikoki erabiltzaileari hainbat aukera emango dizkio, erabiltzaile-interface grafiko baten bidez, erabiltzaileak bere planak erraz txukundu eta argitu ahal izan ditzan. Adibidez, erabiltzaileak sartzen badu, “afaria Danekin 8etan”,interfaceak jakingo du erabiltzaileak arratseko 8ak esan nahi duela, lagunduko dio eskakizunak betetzen dituzten hurbileneko jatetxeak bilatzen (ordutegi aldetik, begetarianoak, edo alcohola zerbitzatzen dutenak), eta bidaiak beharko duen denbora ere jarriko du.


Entzuleen zenbait galdera eta kezkarekin bukatu zen hitzaldia. Entzuleek jakin nahi zuten ea, sen oneko jakintzaren datu-basea sortzen denean, hizkuntzaren prozesamendua hobetu ahala, nola hasiko den interaktuatzen makinekin beste era batera. Lieberman irakasleak aurreikusten du etorkizunean hizketaren ezagutzako softwarea interface grafikoekin eta sare sozialekin integraturik egongo dela. Azkenean interakziorik ez da beharko, eta ordenagailua gai izango da arazo bat konpontzeko edo hura gerta ez dadin aldez aurretik neurriak hartzeko garaian, sen oneko soluziorik hoberena sortzeko.


Albisteetan azken aldian agertu diren segurtasun-akatsekin eta ordenagailuaren  erabakiak hobetzeko sare sozialetako solasaldiak erabiltzeko kontuarekin, entzuleetako batzuk kezkaturik azaldu dira segurtasunaz eta pribatutasunaz. Lieberman irakasleak erantzun du esanez informazio zenbait partekatu behar dela teknologiak gure bizimoduan duen zeregina hobetzeko.
“Medikuak ezin dizu lagundu zuk ez baduzu arropa eranzten” esan zuen.

Comments

Popular posts from this blog

Euskaltzaindiaren Hiztegia. Euskara txukun erabiltzen laguntzen duen tresna.

Kale-neurketak eta kaleko neurketak

bozak, bozkak, bozketak, botoak