Eusko Jaurlaritzak agerian jarri du iturburu irekiko biltegi bat berrerabilera errazteko

Iturria: European Commission Joinup 

 Eusko Jaurlaritzak, joan zen asteko ostiralean, iturburu irekiko softwarearen openapps.euskadi.net biltegia agerian jarri zuen. Bere software-soluzioak edonorentzat eskuragarri jartzeak beste herri-administrazio batzuk animatu beharko lituzke haiek berrerabiltzera eta garapenean ekarpenak egitera.

 Openapps.euskadi.net open data moduko argitaratze mekanismo bat erabiltzen ari da. Kodea bere hartan, irazi gabe eskaintzen du. Webgune horrek beste batzuek sorturiko iturburu irekiko aplikazioen katalogoa ere badu, iturburu irekiko beste sei biltegiranzko estekekin. Biltegi horietakoak dira Joinup, Cenatic, Espainiako gobernuarena eta Kataluniako Generalitataerna, besteak beste. 

 Erabiltzaileek aukera dute webgune horietan guztietan soluzioak bilatzeko. Beste biltegi batzuk ere gehituko zaizkio etorkizunean katalogoari. Beste mota bateko software-aplikazioak, berrerabilera bultzatzeko asmoz jarriko direnak, gehituko zaizkio webguneari laster. 

 Ontologia 

 Biltegia aurtengo udan aurrera irten den dekretu baten emaitza da. Dekretu horrek dio EAEko herri-administrazioek, edo adminitrazio horientzat, garaturiko software-aplikazio guztiak, besterik zehaztu ezean, iturburu irekiko gisa partekatu behar direla. Biltegiak baliabide irekien ontologia bat du. Ontologia horrek hiru biltegi hartzen ditu: Aplikazio Irekien Katalogoa, Beste Aplikazio Ireki Batzuen Katalogoa eta Aplikazio Irekien berrerabileraren Katalogoa. Plataformaren beraren iturburu-kodea ere eskuragarri dago. PHP eta Drupal erabiliz garatu dute eta plug-in bat ere garatuko dute metadatuen deskribapenak esportatzeko, W3Cren RDF kontzeptuak erabiliz. Horrela, biltegia bateragarria izango da baliabide semantikoak deskribatzeko ADMS.sw edo DCAT erabiltzen duten beste biltegiekin.

 Euskal Autonomia Erkidegoaren biltegian erabiltzaileei esaten zaie askatasuna dutela aplikazioen iturburu-kodea aztertzeko, hobetzeko, moldatzeko eta birbanatzeko. Aplikazioen aplikazioentzat hobesten den lizentzia Europar Batasunaren iturburu irekiko EUPL lizentzia da eta dokumentazioa partekatzeko (CC-by-SA) Creative Commons lizentziarekin banatu beharko litzateke.

Comments

  1. IñakiAJanuary 9, 2013 at 3:45 AM

    Nire probetan behintzat euskaraz ez dabil.
    es eta en bai baina euskaraz ez.
    Betiko kontua?

    ReplyDelete

Post a Comment

Popular posts from this blog

QR kodeak erabiltzeko gida

Image
Zer dira QR kodeak? QR kodeak (Quick Response Codes) 2 dimentsioko barra-kodeak dira. Adibidez, honako hau: Zertako dira? Sakelako telefono eta beste tresna kameradunen bidez, horrelako kode bat aurkitzen den lekutik bertatik eta berehala, informazioren bat jasotzeko: produktu bati buruzkoa, norbaiten datu pertsonalak, etab. Nola funtzionatzen dute? Hasteko, sakelako telefonoak aplikazio egokia behar du, dela telefonoak berez dakarrena edo gero instalatua . Nire kasuan, dudan telefonoa ez baita berri-berri horietakoa, gero instalatu nion aplikazio bat erabiltzen dut: i-nigma.  Behin aplikazioa izanez gero, horrelako kode bat aurkitzen duznean, apuntatu kamera koderantz eta haren irudia jaso aplikazioaz. Honek irudia dekodetuko dizu eta berehala webgune batera eramango zaitu edo informazioren bat aurkeztuko dizu. Zer izan liteke eskaintzen dizun informazioa? Ezin konta ahala izan litezke informazio motak: Denda baten erakusleihoan dagoen produktu batek QR kode bat b
Read more

Ikasmaterialgintzan nagusituko den zenbait joera

  Xplana -tik harturiko zenbait ideia   Edukia gero eta gehiago zatikatzea eta testuliburu tradizionalaren eredua apurtzea   Eduki zatikaturanzko mugimendua joera indartsua izan da iTunes agertu zelarik albumez hitz egin ordez abestiez hitz egiten hasi ginenez geroztik. Ikusten ari gara hori gero eta gehiago gertatzen ari dela hezkuntzan, gaitasun digitalek edukia erraz bereiztea eta bilduma berri pertsonalizatu/egokituak sortzeko birkonbinatzea ahalbidetzen diguten neurrian. Gaur egun, oraindik uste dugu testuliburuak zatikatzea haiek kapituluka jartzea dela. Hemendik bost urtera ikasmaterial guztiak nahi edo behar dugun eran birkonbina daitezkeen piezatan zatikaturik ikusiko ditugu. Edukiak zatikatzeko eta produktu-eredu berriak sortzeko aukera ematen duten aplikazioak ugaritzea   Gaur egun testuliburutzat daukaguna eduki konbinatua edo harpidetza bidezkoa jasotzeko marko soila den aplikazioa bihur liteke (aldizkari batzuk beren aplikazioekin egiten hasi diren bezalatsu). A
Read more

Zenbateraino da onuragarria papera birziklatzea?

Image
Iturri nagusia : The U niversity of British Columbia Galdera horri erantzuten saiatu dira Kanadako Columbia Britainiarreko Unibertsitateko Basogintza Saileko Gary Bull eta John Worral doktoreak, ikerlan baten bitartez. Haiek eskainitako informazioa dakarkit hona, batez ere hondakinak eliminatzeko eztabaidetan erabili behar diren arrazoibideen adibide gisa. Galdera horri erantzuteko zehaztu behar da beste zerekin konparatzen dugun. Aukera bakarrak ez dira birziklatzea ala zabortegira botatzea. Horietaz gain, zabortegira eramatea metanoa eskuratuz, erraustea eta kogenerazioa dira beste aukera batzuk. Zabortegietan lorturiko metanoa energia-iturri gisa erabil daiteke, aldi berean CO 2 ak baino 23 bider berotegi-efektu handiagoa duen gas hori atmosferara isurtzea eragotziz. Erraustea, hau da tenpera tura handian erretzea, elektrizitatea sort uz, nahiko arrunta bihurtzen ari da , lurraldea erabiltzeko lehia eta zabortegie k ingurumenean duten inpaktuaren kezka handitu ahala . Kogener
Read more